firansiyening eng axirqi melikisi antoynétténing ayighi 43 ming 750 yawrogha sétildi
wérsay shehiridiki osénat muzéyi öyide, antoynéttégha tewe ikenliki éniqlanghan yipek we öchke térisining arilashmisidin yasalghan aq rengliq ayagh talashturup sétishqa qoyuldi.
türkiye awazi radiyosi xewiri: pashnisi 4.7 santimétir, uzunluqi 22.5 santimétir kélidighan 36 nomurluq ayagh 43 ming 750 yawrogha sétildi.
bu ayaghning melikening bash xizmetchisi madam kampanning yéqin dosti mari-émili léschéwin we newriliri teripidin bügünge qeder saqlinip kelgenliki bildürüldi.
talashturup sétishta yene, 1824 - yili firansua-zhan garnéray teripidin 14 - luyisning sheripige sizilghan «Moliere» namliq resimmu 75 ming yawrogha sétildi.
melike mariy antoynétté fransiye padishahi 16 - luis bilen toy qilghan bolup, u shanu -shewketlik hayati we échinishliq ölümi bilen fransiye inqilabining untulghusiz isimlirining birige aylanghan idi.
melike antoynétté firansiye inqilabi mezgilide, yeni 1793 - yili 37 yash waqtida, paytext parizhning simwolliridin biri bolghan konkord meydanida jadigha bésip öltürülgen bolup, uning hayati nurghunlighan kino we kitablargha téma bolghan idi.
