liwiye déngiz tewelikide yene pajie yüz berdi
liwiye déngiz tewelikide bir qolwaqning sugha chöküp kétishi netijiside 74 köchmen jénidin ayrildi.
türkiye awazi radiyosi xewiri: b d t xelqara köch teshkilati (IOM) liwiye déngiz tewelikide yüz bergen weqe toghrisida yazma bayanat élan qildi.
bayanatta, ayallar we balilarni öz ichige alghan 120 köchmen olturghan qolwaqning sugha chöküp ketkenliki weqesining, liwiyening port shehiri el xums déngiz tewelikide yüz bergenliki we 74 köchmenning jénidin ayrilghanliqi qeyt qilindi.
bayanatta, béliqchilar we sahil bixeterlik xadimliri teripidin 47 köchmenning qutquzuwélinghanliqi, izdesh-qutquzush dawamida hazirghiche 31 jesetning tépilghanliqi eskertildi.
xelqara köch teshkilatining liwiyediki diréktori fédériko soda (Federico Soda) ismini tilgha almastin yawropa döletlirini eyiblidi.
u: «héchqandaq qoghdighuchisz minglarche kishi hem déngizda hemde quruqluqta bu perwasizliqning bedilini töleshke dawam qiliwatidu» dédi.
xelqara köch teshkilatining melumatlirigha asaslanghanda, bu yil (2020) aqdéngiz arqliq yawropa sahillirigha barmaqchi bolghan 900 qanunsiz köchmen déngizda jénidin ayrilghan.
