dunyada yuqumlanghanlar sani 52 milyondin ashti

türkiye awazi radiyosi xewiri: dunyada wabaning merkizige aylanghan amérikada, wuxen wirusi sewebidin jénidin ayrilghanlar 247 ming 398 ge, yuqumlanghanlar sani 10 milyon 708 ge chiqti.

niyu york ishtatida wuxen wirusigha munasiwetlik weqelerning téz köpiyishi sewebidin xizmet waqtigha we ailide kütüwalidighan méhman sanigha cheklime qoyuldi we méhman sanining 10 köp bolmasliqi belgilendi.

engliyede yéqinqi 24 saette wuxen wirusi sewebidin 595 kishi jénidin ayrildi we jemiy san 50 ming 365 ke chiqti. oxshash waqitta, 22 ming 950 kishi yuqumlandi we jemiy yuqumlanghanlar sani 1 milyon 256 ming 725 ke chiqti.

italiyede yéqinqi 24 saette wuxen wirusi sewebidin 623 kishi jénidin ayrildi. buning bilen, wuxen wirusi sewebidin jénidin ayrilghanlarning jemiy sani 49 ming 953 ke chiqti. oxshash waqitta, 32 ming 961 kishi yuqumlandi we jemiy yuqumlanghanlar sani 1 milyon 28 ming 424 ke chiqti.

italiyediki doxtur we sistéralar birleshmiliri doxturxanilardiki karwat sanining tolushqa bashlighanliqini bildürmekte.

ispaniyede wuxen wirusi sewebidin jénidin ayrilghanlar 40 ming 105 ke, yuqumlanghanlar sani 1 milyon 463 minggha chiqti.

ispaniye hökümiti 2020-yili 23-noyabirdin bashlap wuxen wirusi yuqumida «xeterlik dölet» dep békitilgen döletlerdin kelgen yoluchilardin salametlik tekshürüsh netijisini telep qilish qararini chiqardi.

firansiyede yéqinqi 24 saette 329 kishi jénidin ayrildi we jemiy san 42 ming 535 ke chiqti. oxshash waqitta, 35 ming 879 kishi yuqumlandi we jemiy san 1 milyon 865 ke chiqti.

kanadada wuxen wirusi sewebidin jénidin ayrilghanlar sani 10 ming 69 ge chiqti. yéqinqi bir heptide 36 ming 830 kishi yuqumlandi we jemiy san 276 ming 466 ge chiqti.

wuxen wirusi sewebidin 909 kishi jénidin ayrilghan girétsiyede, 63 ming 31 kishi yuqumlandi. wuxen wirusigha qarshi turush ramkisida, kéchide sirtqa chiqishni cheklesh belgilimisining waqti besh saettin sekkiz saetke chiqirildi.

hindistanda wuxen wirusi sewebidin jénidin ayrilghanlar sani 128 ming 165 ke, yuqumlanghanlar sani 8 milyon 684 minggha chiqti.

iranda wuxen wirusi sewebidin jénidin ayrilghanlar sani 39 ming 664 ke, yuqumlanghanlar sani 715 ming 68 ge chiqti.

wuxen wirusi sewebidin 31 ming 593 kishi jénidin ayrilghan rusiyede, yuqumlanghanlar sani 836 ming 960 ke chiqti.

yaponiyede wuign wirusi sewebidin jénidin ayrilghanlar 1 ming 876 ge, yuqumlanghanlar sani 112 ming 880 ge chiqti.

yaponiye tibbiy fédératsiyesining bashliqi nakagawa toshiyo axbarat élan qilish yighinida, «wuxen wirusigha munasiwetlik weqeler téz köpiyishke bashlighan ötken aydin buyan xokkaydoni öz ichige alghan barliq jaylarda qaytidin köpiyiwatqanliqini körüwatimiz. buning wirusning ‹üchinchi dolqun› i  ikenlikini bileleymiz» dédi.

afriqa qiteside wuxen wirusi sewebidin jénidin ayrilghanlar 46 ming 357 ge chiqti. yéqinqi 24 saette pütkül qitede 14 ming 163 kishi yuqumlandi we jemiy san 930 ming 482 ge chiqti.

bezi döletlerdiki wuxen wirusigha munasiwetlik ölüm sanliri töwendikiche:

biraziliye 163 ming 406, méksika 96 ming 430, péru 35 ming 31, argéntina 34 ming 531, kolombiye 33 ming 312, chili 14 ming 633, bélgiye 13 ming 758, ékwador 12 ming 920, gérmaniye 12 ming 82, jenubiy afriqa 20 ming 11, misir 6 ming 405 we marakesh 4 ming 506.