argéntinada hökümetke qarshi namayish ötküzüldi
argéntinaning her qaysi sheherliride pirézidént albérto férnandéz hökümitige qarshi namayish ötküzüldi.
türkiye awazi radiyosi xewiri: namayishchilar paytext buénus ayrésning merkizidiki obélisko xatire munari aldida, «erkinlik, adalet we asasiy qanun» témisi bilen yighilip, argéntina bayriqini kötürgen halda «bandérazo» namliq namayish ötküzdi.
namayishchilar lozunka kötürüp, hökümetke qarshi shoarlarni towlidi. aptomobilliri bilen namayishqa qatnashqanlar ayrésning asasliq kochilirida aptomobil yangratquliri chilip hökümitige qarshi namayish ötküzdi.
namayishchilar hökümetning sétiwalmaqchi bolghan kowid-19 waksinasigha qarshi shundaqla «sabiq pirézidént we hazirqi muawin pirézidént kiristina férnandéz dé kirchnérning chiriklik déloliridin qutulushigha yol achqan» dep qariliwatqan edliye islahitigha qarshi naraziliqlirini bildürdi.
namayish buénus ayréstin bashqa yene, kordoba rosario, mar dél plata, méndoza we san karlos dé barilochi sheherliridimu ötküzüldi.
