yawropada karantin tedbirliri yolgha qoyulushqa bashlandi

türkiye awazi radiyosi xewiri: dunyada wabaning merkizige aylanghan amérikada wuxen wirusi sewebidin jénidin ayrilghanlar 239 ming 842 ge, yuqumlanghanlar sani 9 milyon 802 minggha chiqti.

yawropada wabaning merkizige aylanghan engliyede wuxen wirusi sewebidin jénidin ayrilghanlar sani 47 ming 742 ge, yuqumlanghanlar 1 milyon 99 minggha chiqti.

engliyede wuxen wirusigha qarshi turush ramkisida chiqirilghan karantin qararliri ijra qilinishqa bashlidi. bash wezir boris jonson karantin tedbirlirining 2020-yili 2-dékabirghiche dawamlishidighanliqini bildürdi.

italiyede yéqinqi 24 saette wuxen wirusi sewebidin 352 kishi jénidin ayrildi. buning bilen, wirus sewebidin jénidin ayrilghanlarning jemiy sani 39 ming 764 ke chiqqan boldi. oxshash waqitta, 30 ming 550 kishi yuqumlandi we jemiy san 790 ming 377 ge chiqti.

italiyede bügün (2020-yili 5-noyabir) din bashlap shu yer waqti 22:00 din 05:00 kiche 2020-yili 3-dékabirghiche sirtqa chiqish cheklendi. dölette wuxen wirusining tarqilishining aldini élish üchün rayonlarda oxshimighan tedbirlerning yolgha qoyulidighanliqi bildürüldi.

firansiyede wuxen wirusi sewebidin jénidin ayrilghanlar sani 38 ming 674 ke, yuqumlanghanlar sani 1 milyon 543 minggha chiqti.

firansiye hökümiti yuqumning köpiyishi sewebidin sehiye sahesidiki jiddiy haletni 2021-yili 16-féwralghiche uzartti.

wuxen wirusi sewebidin 38 ming 118 kishi jénidin ayrilghan ispaniyede, yuqumlanghanlar sani 1 milyon 356 minggha chiqti. wuxen wirusigha munasiwetlik weqeler sanining éshishi sewebidin 2020-yili 25-öktebirgiche jiddiy halet élan qilinghan ispaniyede yolgha qoyulghan tedbirler bezi rayonlarda kéngeytildi.

17 aptonom rayondin 12 side barliq rayonni öz ichige alidighan shekilde kirish-chiqishlar cheklendi. bashqa rayonlarda qismen yolgha qoyuldi.

portugaliyede wuxen wirusi sewebidin jénidin ayrilghanlar 2 ming 694 ke, yuqumlanghanlar sani 156 ming 940 qa chiqti. bügün (2020-yili 5-noyabir) din bashlap chong sheherlerdiki qatnashni chekleydighan tedbirlerni yolgha qoydi.

wuxen wirusi sewebidin 11 ming 28 kishi jénidin ayrilghan gérmaniyede, yuqumlanghanlar sani 597 ming 359 gha chiqti. tashqi ishlar ministiri hayko maas uchrashqan chet el heyitidiki bir kishining yuqumlanghanliqi bayqalghandin kéyin, özini karantin qilghanliqini bildürdi.

bélgiyede wuxen wirusi sewebidin 12 ming 126 kishi jénidin ayrildi, 453 mingdin artuq kishi yuqumlandi.

shiwéytsariyede wuxen wirusi sewebidin 2 ming 275 kishi jénidin ayrildi, 192 ming 376 kishi yuqumlandi. shiwéytsariyede tunji qétim künlük yuqum sani 10 mingdin ashti we armiye wuxen wirusigha qarshi turush sépige qétildi.

asiya qiteside wuxen wirusining eng éghir tesirige uchrighan hindistanda, wirus sewebidin kishi jénidin ayrilghanlar sani 124 ming 354 ke, yuqumlanghanlar sani 8 milyon 364 minggha chiqti.

iranda wuxen wirusi sewebidin jénidin ayrilghanlar sani 36 ming 579, yuqumlanghanlar sani 646 ming 164 ke chiqti.

wuxen wirusi sewebidin 29 ming 509 kishi jénidin ayrilghan rusiyede, 1 milyon 712 ming kishi yuqumlandi.

isirailiye türmiliride wuxen wirusi bilen yuqumlanghan pelestinliklerning sani 121 ge chiqti.

wuxen wirusi sewebidin 5 ming 471 kishi jénidin ayrilghan seudi erebistanda, yuqumlanghanlar sani 348 ming 936 ge chiqti. wuxen wirusi sewebidin buningdin texminen sekkiz ay toxtitilghan ömre ziyaretlirige ruxset qilinghandin kéyin tunji bolup seudi erebistangha kelgen chet el ömre ömiki üch künlük karantinni axirlashturup, kebeni tawap qildi.

wuxen wirusigha munasiwetlik ölüm sanliri töwendikiche:

biraziliye 161 ming 170, méksika 93 ming 228, péru 34 ming 671, argéntina 32 ming 520, kolombiye 32 ming 13, chili 14 ming 340, ékwador 12 ming 704, kanada 10 ming 331, jenubiy afriqa 19 ming 585, misir 6 ming 318 we aljiriye 3 ming 982.