erméniye bash ministiri: diplomatik chare yoq
erméniye bash ministiri nikol pashinyan puqralirini «aldinqi sep liniyeside urush qilish» qa chaqirip, taghliq qarabagh mesilisining diplomatik yollar arqiliq hel bolmaydighanliqini ilgiri sürdi.
türkiye awazi radiyosi xewiri: pashinyan, ammiwi ortaqlishish tor béti Facebook sehipiside, taghliq qarabaghda erméniyening hujumliri netijiside bashlanghan we ezerbeyjan armiyesi köp sanda olturaq rayonlirini azad qilghan basquch heqqide élan qilghan bayanatida, taghliq qarabagh mesilisining hazirqi ehwal astida diplomatik yollar arqiliq hel qilinishining mumkin emeslikini ilgiri sürüp mundaq dédi: «bu mesilining uzun muddet diplomatik yollar arqiliq hel bolmaydighanliqini chüshinip yétishimiz kérek.»
u, erméniye armiyeside otturigha chiqiwatqan éghir talapetler sewebidin xelqini «aldinqi sep liniyeside urush qilish» qa chaqirip mundaq dédi: «kirizis diplomatik yollar arqiliq hel qilinghangha qeder barliq puqralarning qollirigha qoral élip urush qilishi sherttur. jümlidin, taghliq qarabaghdiki barliq tijaretchiler we oqughuchilarning, taghliq qarabaghqa qaytip, herbiy xizmet öteshliri kérek.»
ezerbeyjan armiyesi, ishghal astidiki zéminlirini azad qilish üchün 27 – séntebir küni qozghighan herbiy herikiti dawamida, hazirghiche 3 sheher we 100 din artuq olturaq rayonini azad qildi.
