بوۋاق چاچ سوپۇنى ۋە ئېغىز چايقىغۇچلار كوۋىد-19 غا قارشى ياردەمچى بولالايدۇ

تۈركىيە ئاۋازى رادىيوسى خەۋىرى: «ئەينەك گېزىتى» نىڭ تور بېتىدە ئېلان قىلىنغان خەۋەرگە ئاساسلانغاندا، پېنس تېببىي فاكۇلتېتى مۇتەخەسسىسلىرى ئېلىپ بارغان تەتقىقاتتا، بىر قىسىم ئېغىز چايقىغۇچ ۋە بوۋاق چاچ سوپۇنلىرىنىڭ كوۋىد -19 نى نېيتراللاشتۇرالايدىغانلىقى بايقالغان.

تەتقىقاتچىلار ھەر كۈنى ئىشلىتىلىدىغان بىر نەچچە خىل مەھسۇلاتنى سىناق قىلغان، بۇنىڭ ئىچىدە ئېغىز ئېچىشىشنىڭ ئالدىنى ئالىدىغان تازىلىغۇچ، ئېغىز چايقىغۇچ ۋە %1 بوۋاقلار چاچ سوپۇنى قاتارلىقلار بار.

تەتقىقاتتا، بىر پىرسەنتلىك بوۋاق چاچ سوپۇنىدا بار بولغان ئېرىتمىنىڭ 2 مىنۇتتىن كېيىن كوۋىد-19 نى  %99.9 تىن كۆپرەك ئاكتىپسىزلاشتۇرغانلىقى بايقالدى.

بەزى ئېغىز چايقىغۇچ مەھسۇلاتلىرىنىڭمۇ 30 سېكۇنت ئىچىدە ۋىرۇسنى %99.9 تىن كۆپرەك ئاكتىپسىزلاندۇرغانلىقى ئوتتۇرىغا قويۇلدى.