gollandiye hindonéziyege tölem töleydu

türkiye awazi radiyosi xewiri: gollandiye tashqi ishlar ministiri stéf bilok we dölet mudapie ministiri enk bijléwéld-shotén, gollandiye parlaméntigha yollighan xétide, gollandiye sotining martta chiqarghan tölem qararigha étiraz bildürmeydighanliqlirini eskertti.

mektupta, 1946-1947-yilliri musteqilliq urushi mezgilide, gollandiye eskerliri teripidin öltürülgen hindonéziyeliklerning balilirigha 5000 yawro tölem tölinidighanliqi qeyt qilindi.

lahéy rayonluq sot mehkimisi, martta «gollandiye eskerliri 1946-1947-yilliri hindonéziyening jenubi sulawési ölkiside, hindonéziyelik erlerni étip, qanunsiz heriket qilghan» dep höküm chiqarghanidi, hemde gollandiye hökümitining, tul qalghan 8 ayal bilen 4 baligha 235 yawrodin 10 ming yawroghiche tölem tölishini qararlashturghanidi.

bu sot, étip öltürülgen 11 erning ayalliri we baliliri namidin échilghanidi.

gollandiye padishahi wilyam aléksandér, 350 yilliq mustemlike dewride we musteqilliq kürishi mezgilide yüz bergen zorawanliq weqeliri sewebidin, hindonéziyedin kechürüm sorighanidi.