her 16 sékuntta bir bowaq ölük tughuluwatidu
birleshken döletler teshkilati balilar fondi (UNICEF), dunya sehiye teshkilati we dunya bankisi, her 16 sékuntta bir bowaqning ölük tughuluwatqanliqini bildürdi.
türkiye awazi radiyosi xewiri: birleshken döletler teshkilati balilar fondi, dunya sehiye teshkilati we dunya bankisi teripidin ortaq élan qilinghan texminlerge asaslanghanda, dunya miqyasida her yili texminen 2 milyon bowaq ölük tughulidiken, bu «her 16 sékuntta bir bowaq ölük tughulidu» dégen uqumni bildüridiken. ölüm nisbetlirining % 84 tini töwen kirimlik döletler teshkil qilidiken. buning aldini élish üchün, hamildarliq mezgilini yaxshi közitish, tughuttin ilgiri hamildar ayallarning halidin yaxshi xewer élish we mexsus tughut doxturi bolush kérek iken.
«wuxen wirusi» yuqumining ölük tughuluwatqan bowaqlar sanini ashuruwétish xewpi bar iken. yuqum sewebidin, sehiye mulazimitining % 50 töwenlep kétishi tüpeyli, kirimi töwen we ottura hal 117 dölette yene 200 ming bowaqning ölük tughulushini keltürüp chiqirish éhtimalliqi yuqiri iken.
töwen kirimlik 20 dölette, bowaqlarning ölük tughulush nisbitide % 20 éshish körülüsh xewpi bar iken.
