yawropa ittipaqi komitétining bashliqi özini karantin qilidu
yawropa ittipaqi komitétining bashliqi ursula wondérléyén (Ursula von der Leyen) wuxen wirusi (Kovid-19) tekshürüshi musbet chiqqan bir kishi bilen yighingha qatnashqanliqi üchün, özini karantin qilidighanliqini uqturdi.
türkiye awazi radiyosi xewiri: yawropa ittipaqi komitétining bashliqi ursula wondérléyén twittérda uchur hembehirlep, tünügün (2020-yili 4-öktebir) wuxen wirusi tekshürüsh netijisi musbet chiqqan bir kishi bilen ötken hepte yighingha qatnashqanliqini bildürdi.
u: «yolgha qoyulghan tedbirler boyiche ete etigengiche özemni karantin qilimen. peyshenbe (2020-yili 1-öktebir) küni salametlikimni tekshürttüm we netije menpiy chiqti. bügün yene salametlikimni tekshürttüm, hazir netijisini saqlawatimen» dédi.
u wuxen wirusi tekshürüsh netijisi musbet chiqqan kishining kimliki heqqide melumat bermidi. ursula wondérléyén ötken hepte peyshenbe we jüme (2020-yili 1-2 öktebir künliri) bélgiye paytexti biryussélda ötküzülgen yawropa ittipaqi rehberler yighinigha qatnashqan idi.
buningdin burun yawropa ittipaqi rehberliridin yawropa ittipaqi kéngishining bashliqi charlés mishél (Charles Michel) qoghdighuchilirining birining wuxen wirusi bilen yuqumlinishi sewebidin özini bir hepte karantin qilghan idi. uningdin bashqa, yawropa ittipaqi komitétining ikki ezasimu oxshash sewebler bilen özlirini karantin qilidighanliqlirini uqturghan idi.
مۇناسىۋەتلىك خەۋەرلەر
