papa pompéyoning körüshüsh telipini ret qildi

türkiye awazi radiyosi xewiri: watikan bilen xitay otturisida tüzülgen ikki yilliq kélishimning pat arida yéngilinishigha naraziliq bildürüsh üchün watikanni ziyaret qilmaqchi bolghan mayk pompéyo, papaning körüshüshni ret qilghan jawabini aldi.

engliyening «indépéndént géziti» de élan qilinghan xewerde körsitilishiche, papa yéqinlishiwatqan amérika saylimi we trampning watikan bilen xitayning kélishimige naraziliq körsitishi sewebidin körüshüshni ret qilghan.

amérika tashqi ishlar ministiri mayk pompéyoning watikan tashqi ishlar ministiri kardinal piyétro parolin (PietroParolin) we bash ipiskop pawl gallaghér bilen körüshidighanliqi élan qilindi.

watikan bilen xitayning jemiyetke tepsiliy ashkarilanmighan kélishimide, watikanning xitaydiki ipiskoplarning wezipige teyinlishide pikir bildürüsh hoquqi bolidu.

ikki yil burun kélishim tüzülgendin buyan, xitayda watikan bilen körüshüsh arqiliq ikki ipiskop wezipige teyinlendi.