rusiye xitay chégrasidiki herbiy rayonini kücheytidu
rusiye dölet mudapie ministiri sérgéy shoygu (Sergey Şoygu) ministirliqta ötküzülgen yighinda, rusiye armiyesining sherq herbiy rayonidiki küchini kücheytidighanliqlirini éytti.
türkiye awazi radiyosi xewiri: rusiye dölet mudapie ministiri sérgéy shoygu xitay chégrasigha jaylashqan sherq herbiy rayonidiki ayropilan atar bashqurulidighan bomba batariyesining ikki danisige «S-400» sistémilirining seplinidighanliqini, yene ikki dane ayropilan atar bashqurulidighan bomba batariyesige bolsa «Buk-M1-2» sistémilirining seplinidighanliqini éytti.
u mushu yil (2020) axirighiche rayongha yéngi 500 herbiy üskünilerning ewetilidighanliqini bildürüp: «bolupmu, u yerdiki ayropilan atar bashqurulidighan bomba batariyesining ikki danisige S-400 sistémiliri, yene ikki danisige «Buk-M1-2» sistémiliri seplinidu» dédi.
u kéler yili (2021) sherq rayonidiki herbiy üsküniler we ul-eslihelerge meblegh sélinidighanliqini eskertip: «sherq rayonlirida herbiy-siyasiy weziyet jiddiylikini dawamlashturmaqta. yüz bergen tehditlerni yoqitish üchün her xil aldini élish tedbirliri tüzülüwatidu» dédi.
rusiyening asasliq besh herbiy rayonidin biri bolghan sherq herbiy rayonining merkizi xitay chégrasigha 30 kilométir kélidighan xabarowsk (Habarovsk) shehirige jaylashqan.
