pelestin ikki ereb dölitining israiliye bilen kélishim imzalishigha naraziliq bildürdi
pelestin hökümiti, israiliye bilen ereb birleshme xelipiliki we behreyn otturisida imzalanghan munasiwetlerni normallashturush kélishimining «rayongha tinchliq élip kélelmeydighanliqi» bildürdi.
türkiye awazi radiyosi xewiri: pelestin pirézidéntliq mehkimisi yazma bayanat élan qilip, aqsarayda ötküzülgen imza qoyush murasimi toghrisida munularni qeyt qildi: «amérika qoshma ishtatliri we israiliye ishghalchi dairiliri, pelestin xelqining 1967 - yili 6 - ayning 4 - künidiki chégralirini asas qilidighan, paytexti sherqiy quddus bolghan musteqil we menggülük dölet qurush hoquqini étirap qilmighan we pelestindiki musapirlar mesilisi 194 - nomurluq qarargha asasen hel qilinmighan teqdirde, aqsarayda qilinghan ishlar rayonning tinchliqini kapaletke ige qilalmaydu. biz héchkimge pelestin xelqi we pelestin xelqining birdinbir qanunluq wekili bolghan pelestin azadliq teshkilatigha wakaliten söz qilish hoquqi bermiduq we bermeymiz.»
bayanatta yene, «heqiqiy mesile israiliye ishghalchi hökümiti bilen kélishim imzalighan döletler otturisida emes , belki ishghaliyet astida azab - oqubet chékiwatqan pelestin xelqi otturisididur... ishghal axirlashmay we pelestin xelqi xelqaraliq höjjetlerde körsitilgen hoquqlirigha érishmey turup, bu kélishim rayonda héchkimge tinchliq, amanliq we muqimliq élip kelmeydu. pelestin xelqi we pelestin azadliq teshkilatini chette qaldurushqa urunushning jawabkarliqini amérika qoshma ishtatliri bilen israiliye ishghalchi döliti üstige alidighan xeterlik tesirliri bolidu» dégen ibarilerge orun bérildi.
