bozqir: saqliniwatqan mesililer diyalog arqiliq hel qilinishi kérek
birleshken döletler teshkilatining 75 – nöwetlik omumiy kéngishining bashliqi wolqan bozqir, sherqiy aqdéngizda türkiye we girétsiye otturisidiki saqliniwatqan mesililerning diyalog, diplomatik we tinch yollar arqiliq hel qilinishi lazimliqini éytti.
türkiye awazi radiyosi xewiri: bozqir, birleshken döletler teshkilati omumiy kéngishida ötküzülgen murasimda wezipe ötküzüwalghandin kéyin ishqa ashurulghan axbarat élan qilish yighinida, kéler hepte bashlinidighan birleshken döletler teshkilati bashliqlar yighini we muhim ishlar küntertipi heqqide melumat bérishi jeryanida, sherqiy aqdéngizda türkiye bilen girétsiye otturisidiki sürkilishlerge alaqidar bir soalgha jawab bergende mundaq dédi: «özgirishlerni yéqindin közitiwatimen. pirinsip boyiche éytqanda, bundaq mesililer diyalog, diplomatik we tinch yollar arqiliq hel qilinishi lazim. türkiye bilen girétsiye shimaliy atlantik ehdi teshkilatigha eza ittipaqdash döletler bolup, ikki dölet otturisidiki medeniyet we iqtisadiy munasiwetler intayin küchlüktur. méning tallash yolum shuki, elwette dunyada we rayonda tinchliq we muqimliqning ishqa ashurulushidur.»
u yene, birleshken döletler teshkilatining 75 – nöwetlik omumiy kéngesh yighinliri esnasida, «wuxen wirusi» témiliq mexsus yighin chaqirilidighanliqini, emma yighin waqtining téxiche éniq békitilmigenlikinimu sözlirige ilawe qildi.
