xitayni tenqid qilghan amérika puqraliri duch kélidighan xewpler heqqide agahlandurush élan qilindi

türkiye awazi radiyosi xewiri: amérika tashqi ishlar ministirliqi xitay we xongkonggha qarita élan qilghan sayahet agahlandurushi heqqide yazma bayanat élan qildi.

bayanatta béyjing hökümitining tekshürüsh arqiliq amérika puqralirini hemkarlishishqa mejburlash, aile ezalirigha chet eldin xitaygha qaytip kélishi üchün bésim ishlitish, puqralarning maslishalmasliqigha tesir körsitish we chet el hökümetliri bilen sodilishish kozirigha érishish üchün xalighanche qolgha élish we chégradin chiqishini cheklesh qatarliq qilmishlarni sadir qiliwatqanliqi bildürüldi.

bayanatta, xitayda yaki xongkongda turushluq we yaki sayahet qiliwatqan amérika puqralirining xalighanche nazaretke élinishi mumkinliki tekitlinip: « amérika puqraliri amérika konsulxana mulazimitige yaki özlirige artilghan jinayetler toghrisidiki uchurlargha érishishtin mehrum qaldurulushi mumkin. uzun muddet soraqqa tartilip, uzun muddet tutup turushlargha duchar bolushi mumkin» déyildi.

bayanatta mundaq dep körsitildi:

«xongkongda, xitay bir tereplime we ixtiyari belgilimilerni yolgha qoymaqta. yéngi dölet bixeterlik qanuni xongkong sirtidiki ahaliler we teshkilatlar sadir qilghan jinayetlernimu öz ichige alidu. xitayni tenqid qilghan amérika puqralirimu qolgha élish, tutup qélish, chégradin qoghlap chiqirilish qatarliq xewplerge duch kelmekte»

bayanatta yene, amérika puqralirining xongkongda turush jeryanida éhtiyatchan bolushi we namayishlardin uzaq turushi kérekliki uqturuldi.

bolupmu, kishilik hoquq depsendichiliki, xongkongning yéngi dölet bixeterlik qanuni we teywen mesilisi qatarliqladein bashqa yene, amérika bilen xitay otturisida soda, tor bixeterliki we téxnika qatarliq sahelerdimu jiddichilikler dawamlashmaqta.