charléz mishél: biz xitay bilen özara mesuliyetchan we adil munasiwet ornitishni xalaymiz

türkiye awazi radiyosi xewiri: yawropa ittipaqi kéngishi bashliqi charléz mishél, yawropaning musabiqe meydani emes, belki bir mahir bolushi kéreklikini otturigha qoyup, «biz xitay bilen özara mesuliyetchan we adil munasiwet ornitishni xalaymiz» dédi.

mishél, yawropa ittipaqi komitéti bashliqi ursula won dér léyén, xitay dölet reisi shi jinping, yawropa ittipaqining nöwetchi bashliqi gérmaniyening bash ministiri angéla mérkélning ishtirak qilishi bilen ötküzülgen yawropa ittipaqi – xitay rehberlirining sin körünüshlük yighinidin kéyin bayanat berdi.

charliz mishél, yighinda kélimat özgirishi, iqtisad, soda, xelqara munasiwetler, kishilik hoquq we kowid -19 qatarliq mesililerning muzakire qilghanliqini bayan qilip, özlirining xitay bilen bolghan tengpungluq munasiwitini saqlap qélishni xalaydighanliqini we hemkarliq sahelirini békitish üchün dawamliq tirishidighanliqigha isharet qildi we sözini dawamlashturup, «yawropa musabiqe meydani emes, belki bir mahir bolushi kérek. biz xitay bilen özara mesuliyetchan we adil munasiwet ornitishni xalaymiz» dédi.

yawropa ittipaqi kéngishi bashliqi mishél, özlirining xitay bilen téximu adil we tengpung soda munasiwiti ornitishni xalaydighanliqini, yawropa ittipaqi bilen xitay otturisidiki jughrapiyilik körsetküch kélishimining toghra yönilishte tashlanghan bir qedem ikenlikini otturigha qoydi.

«xongkongning bixeterliki yawropa ittipaqi we uninggha eza döletlerni qayghugha sélishni dawamlashturmaqta. xongkongkdiki démokratik sadalar choqum anglinishi kérek. biz xitayning uyghur aptonom rayoni we tibettiki az sanliq milletlerge, kishilik hoquqni qoghdighuchiliri we zhurnalistlargha tutuwatqan pozitsiyesige munasiwetlik endishilirimizni yetküzduq» dégenlerni qeyt qildi.

xitay bilen özara menpeet yetküzüshni asas qilidighan adil munasiwet ornitishni xalaydighanliqini bildürgen charléz mishél, «biz sadda emes. xitaydiki iqtisadiy, siyasiy we ijtimaiy endizining yawropa ittipaqiningkidin xélila perqliq ikenlikini bilimiz» dégenlerni sözlirige ilawe qildi.

yawropa ittipaqi komitéti bashliqi ursula won dér léyénmu «biz ochuq, semimiy, ijabiy we keskin muzakire élip barduq» dédi.