xongkongda tünügün qanun kéngishi saylimining kéchiktürülishige qarshi namayish ötküzüldi
xitayning xongkong alahide memuriy rayonida qanun kéngishi saylimining kéchiktürülgenlikige narazliq bildürgen xelq ammisi keng – kölemlik namayish ötküzdi.
türkiye awazi radiyosi xewiri: «jenubiy xitay etigenlik géziti» ning xewerlirige asaslanghanda, xongkongda minglighan kishi séntebirde ötküzülishi pilanlanghan qanun kéngishi saylimining bir yil kéchiktürülgenlikige qattiq naraziliq bildürgen.
xongkong saqchi dairiliri ijtimaiy alaqe hésabida élan qilghan bayanatida, az dégende 90 kishining qolgha élinghanliqini we ularning köpinchisining qanunsiz yighilish qilish jinayiti bilen eyiblengenlikini uqturdi.
namayish jeryanida ataqliq paaliyetchilerdin tam tak chimu qolgha élindi.
saqchilar kowlun rayonida namayishchilargha yash aqquzush bombisi bilen qattiq mudaxile qildi.
xongkong waliysi kari lam 31 – iyulda élan qilghan bayanatida, kowid-19 yuqumi sewebidin qanun kéngishi saylimining 1 yil kéchiktürülgenlikini élan qilghan idi.
