mayk pompéyo xitay bilen iranning rayondiki paaliyetlirini muzakirilishish üchün israiliyege baridu
ziyaret jeryanida pompéyogha amérika prézidénti donald trampning meslihetchisi we küyoghli jaréd kushnér we amérika dölet bixeterlik meslihetchisi robért obriénningmu hemrah bolidighanliqi qeyt qilindi.
türkiye awazi radiyosi xewiri: amérika tashqi ishlar ministiri mayk pompéyo diplomatik munasiwetni normallashturush üchün özara kélishim hasil qilishqan israiliye bilen ereb birleshme xelipilikini ziyaret qilidighanliqini élan qildi.
israiliye metbuatliri, mayk pompéyoning ete israiliyede ziyarette bolidighanliqini we seyshenbe küni ereb birleshme xelipilikige baridighanliqini xewer qildi.
pompéyoning ziyaritide, israiliye bilen ereb birleshme xelipiliki otturisida hasil qilinghan normallashturush kélishimidin bashqa yene, xitay bilen iranning rayondiki paaliyetliriningmu kün tertipte bolidighanliqi bildürüldi.
ziyaret jeryanida pompéyogha amérika prézidénti donald trampning meslihetchisi we küyoghli jaréd kushnér we amérika dölet bixeterlik meslihetchisi robért obriénningmu hemrah bolidighanliqi qeyt qilindi.
donald tramp 13 - awghustta israiliye bilen ereb birleshme xelipilikining «munasiwetlirini pütünley normallashturush» toghrisida kélishim hasil qilishqanliqini élan qilghan idi.
ereb birleshme xelipiliki, 1979 - yili misir we 1994 - yili iyordaniyedin kéyin, israiliye bilen normallalishish kélishimi imzalighan üchinchi ereb dölitige aylandi.
