türkiye sherqiy aqdéngizdiki menpeetlirini qoghdaydu
türkiye tashqi ishlar ministiri mewlüt chawushoghlu türkiyening sherqiy aqdéngizdiki menpeetlirini menggülük qoghdaydighanliqini bildürdi.
türkiye awazi radiyosi xewiri: tashqi ishlar ministiri mewlüt chawushoghlu resmiy ziyaret üchün yétip barghan maltada, yawropa ittipaqi tashqi munasiwetler we xewpsizlik siyasiti aliy wekili joséf borrél (JosepBorrell) bilen körüshti.
mewlüt chawushoghlu yawropa ittipaqi tashqi munasiwetler we xewpsizlik siyasiti aliy wekili joséf borrél bilen ötküzülgen uchrishishi toghrisida twittérda uchur hembehirlidi.
u: «yawropa ittipaqi bilen bolghan munasiwetlirimizning bezi eza döletler teripidin görüge éliniwélishigha ruxset qilinmasliqi kérek. yawropa ittipaqi köch mesiliside wediside turushi kérek. türkiye sherqiy aqdéngizdiki menpeetlirini menggülük qoghdaydu» dédi.
malta pirézidénti jorj wélla (George Vella) mewlüt chawushoghluni qobul qildi. mewlüt chawushoghlu bu heqtiki twittérda hembehirligen uchurida: «jorj wéllagha jumhur reis rejep tayyip erdoghanning yaxshi tileklirini yetküzduq. jorj wélla malta tashqi ishlar ministiri bolghan mezgilde imzalanghan kélishimler munasiwetlirimizning tereqqiyatigha muhim hesse qoshti. liwiyediki kirizis we qalaymiqan köch mesiliside malta bilen birlikte xizmet qilimiz» dédi.
