لىۋىيەدە نۇرغۇن كۆچمەن تۇتۇلدى

تۈركىيە ئاۋازى رادىيوسى خەۋىرى: لىۋىيە ئىچكى ئىشلار ئىشلار مىنىستىرلىقى تەرىپىدىن بۇ ھەقتە ئېلان قىلىنغان يازما باياناتتا ئەسكەرتىلىشىچە، ساھىل بىخەتەرلىك ئورگىنىغا قاراشلىق ئەترەتلەر، ئاقدېڭىز ساھىلىدىكى زىلىتەن شەھىرىدە بىر ئىسكىلاتنى ئاختۇرۇشى جەريانىدا، 4 ئايال ۋە 6 بالىنى ئۆز ئىچىگە ئالغان 55 تەرتىپسىز كۆچمەننى قولغا چۈشۈرگەن.

باياناتتا تەكىتلىنىشىچە، كۆچمەنلەر پايتەخت ترابلۇسنىڭ تەخمىنەن 150 كىلومېتىر شەرقىدىكى زىلىتەن شەھىرىدىن ئاقدېڭىز سەپىرىگە ئاتلىنىپ، ياۋروپاغا كۆچۈشكە تەييارلىنىۋاتقان بولۇپ، ئۇلار تۇتۇلغاندىن كېيىن شەھەردىكى كۆچمەنلەر ئىدارىسىغا ئائىت پاناھلىنىش ئورنىغا ئەۋەتىلگەن.