afriqaliq köchmenler déngizda qapsélip qaldi
afriqadin aqdéngiz arqiliq yawropagha ötüp ketmekchi bolghan we «jiddiy yardem» qilishni chaqiriq qilghan 95 musapir 30 saettin artuq waqittin qutquzushni kütüp turmaqta.
türkiye awazi radiyosi xewiri: aqdéngizdiki köch dolquni we köchmenlerning yardem chaqiriqlirini twitétrda élan qilghan «alarm fon» (Alarm Phone) namliq twittér adrési 33 saet burun 95 köchmen olturghan bir qolwaq üchün «jiddiy qutquzush» chaqiriqi élan qilghanliqini bildürüp: «bir soda paraxoti héchqandaq yardem qilmastin, yiraqta qarap turmaqta. kishiler qanchilik qiynilishi kérek? yene qanchilik tunjuqush xetiri astida turushi kérek? qanchisi hayat qalalaydu?» dédi.
b d t köch teshkilatining italiyediki shöbisining bayanatchisi flawiyo dijakomo (Flavio Di Giacomo) twittérda «Alarm Phone» ning chaqiriqini hembehirlep: «köchmenler déngizda qutquzushni kütüp turuwatidu. derhal qutquzush herikitini bashlash kérek. ularni derhal qutquzush kérek. bu qolwaqlarning bixeterliktin yiraq we déngiz qatnishigha muwapiq emeslikini, her qachan xeterge uchrash éhtimalliqini ésimizde tutayli» dédi.
aqdéngizning italiye, malta we liwiye otturisida qalghan rayoni, yéqinqi yillarda afriqadin yawropagha ötidighan köchmenlerning linyesidin bérige aylandi.
