misir armiyesi saxta resim hembehirlep shermende boldi
misir armiyesining firansiye bilen birleshme déngiz manéwiri ötküzgenlikige dair saxta resim hembehirligenliki ashkarilandi.
türkiye awazi radiyosi xewiri: misir armiyesi bayanatchisi général tamir er rifaining ijtimaiy taratqu hésabida élan qilinghan bayanatida, aq déngizda misir we firansiye urush paraxotlirining qatnishishi bilen birleshme manéwir ötküzülgenliki ilgiri sürülgen idi.
resmiy bayanat bilen manéwirgha dair hembehirlengen resimde, firansiye qoghdighuchi paraxti «Aconit F713» ning yénigha misir bayriqi ésilghan qoghdighuchi paraxotning resimi, resim özgertish usuli arqiliq qoshulghanliqi hemmining diqqitini tartti.
hembehirlengen resimning eslidiki halining bolsa, amérika déngiz armiyesining resmiy torida 2013 - yili 19 - séntebirde élan qilinghanliqi otturigha chiqti.
amérika déngiz armiyesining resmiy torida reisimge dair tepsiliy melumatlarmu bérilgen bolup, izahatta, amérika-firansiye ikki terep birleshme manéwiri «Passex» jeryanida amérika déngiz armiyesi ammiwi axbarat mutexessisi darién g. kénniy teripidin tartilghanliqi we «MH-60R» déngiz bürküti tipliq bir amérika tik uchar ayropilanining firansiye qoghdighuchi paraxoti «Aconit F713» palubigha qunuwatqan peytini körsitidighanliqi eskertilgen idi.
mezkur resimde esilide misirning qoghdighuchi paraxotining yoqliqi ashkarilandi.
