dunyadiki dangliqlarning twittér mexpiy nomuri oghrilandi
siyasetchilerdin soda-sanaetchilergiche bolghan nurghun dangliq kishilerning twittér mexpiy nomuri, kimliki namelum kompiyutér qaraqchiliri teripidin qolgha chüshürüldi.
türkiye awazi radiyosi xewiri: twittér mexpiy nomuri oghrilanghanlarning ichide amérika sabiq pirézidénti barak obama, démokratlarning pirézidént kandidati jo baydin, amazonning yuqiri derijilik bashliqliridin jéf bézos, mikrosoftning qurghuchisi bil géytés, téslaning yuqiri derijilik bashqurghuchisi élon musk, milyardér karxanichi mishél blumbérg we rep naxshichisi kanyé wést qatarliqlar bar.
bu kishilerdin bashqa, alma we yubér (Uber) gha oxshash shirketlerning twittér mexpiy nomurlirimu oghrilanghan.
oghrilanghan adréslardin hembehirlengen uchurlarda, bir bitkoyn adrési bérildi we bu adrésqa pul ewetish telep qilindi. hembehirlengen uchurlarning köpinchiside, belgilengen bitkoyn adrésigha ewetilgen her ming dollar üchün 2 ming dollar tölinidighanliqi qeyt qilindi.
twittér bu weqe toghrisida qisqa bayanat élan qildi.
bayanatta: «twittér adréslirigha tesir körsetken bixeterlik weqesini bilimiz. tekshürüwatimiz we ongshash üchün muhim tedbirlerni alimiz. hemmeylenge qisqa waqit ichide melumat bérimiz» déyildi.
oghrilanghan twittér adrésliridin hembehirlengen uchurlar uzun ötmeyla öchürüldi.
