dunyaning her qaysi jaylirida 15-iyul xatirilendi
türkiyening prishtinede turushluq bash elchisi chaghri sakar kosowu hökümitining fethullahchi térrorluq teshkilati ezalirigha qarshi alghan tedbirlirini teqdirleydighanliqlirini éytti.
türkiye awazi radiyosi xewiri: türkiyening prishtinede turushluq bash elchisi chaghri sakar 15-iyul démokratiye we milliy birlik küni munasiwiti bilen bayanat élan qildi. u 15-iyul herbiy özgirish qozghashqa urunushidin kéyin, kosowu xelqining türkiyeni qollap, namayan qilghan hemkarliq rohining özliri üchün intayin qimmetlik bolghanliqini eskertti.
türkiyening awstiraliye kanbérradiki elchixanisi, sidnéy we mélborn konsulxanilirimu «15-iyul démokratiye we milliy birlik küni» ni xatirilesh paaliyiti ötküzdi.
kanbérra wi sidnéydiki paaliyetke, türklerdin bashqa, oxshimighan döletlerning wekillirimu qatnashti. kanbérradiki bash elchi korhan karakoch türkiye xelqining jumhur reis rejep tayyip erdoghanning bashchiliqida herbiy özgirish qozghash urunushini yingip, démokratiye kürishi qilghanliqini bildürdi.
u: «bigunah kishilerni öltürüshtin yanmighan bir teshkilatning mewjutluqi awstiraliye üchün éghir tehdit» dédi.
türkiyening tokyodiki bash elchisi hesen murat merjan 15-iyul munasiwiti bilen, türkiye-yaponiye munasiwetlirining tereqqiyati toghrisida toxtaldi.
u ikki döletning tashqi ishlar ministirlirining yéqin munasiwiti we dölet sewiyeside élip bérilghan özara uchrishishlarning, xain teshkilatning ichki yüzining yaponiyede bilinishide muhim rol oynighanliqini qeyt qildi.
u yaponiye bash weziri shinzu abi we jumhur reis rejep tayyip erdoghanning hemkarliqini tilgha élip: «erdoghan bilen shinzu abining hemkarliqi we özara uchrishishliri fethullahchi térrorluq teshkilatining yaponiyediki tesirini azaytti» dédi.
türkiyening kualalumpurdiki bash elchisi merwe safa kawakjimu 15-iyul démokratiye we milliy birlik küni munasiwiti bilen élan qilghan bayanatida, fethullahchi térrorluq teshkilatining bu yerdiki mewjutluqining pütünley yoqitilghanliqini eskertip, malayshiyaning yardimi üchün teshekkür éytti.
malayshiya musulman yashliq herikiti, malayshiya islam teshkilatliri hemkarliq kéngishi, malayshiya islam soda birleshmisi, malayshiya dunya tinchliq teshkilati, malayshiya soda-sanaet birleshmisi we malayshiya süriyege yardem qilish guruppisining rehberliri, türkiyening kualalumpurdiki elchixanisigha mektup yollap, türkiye döliti we xelqini qollaydighanliqlirini bildürdi.
