tél abyadta aptomobil bomba hujumi yüz berdi
süriyening shimalidiki tél abyad rayonida aptomobil bomba bilen élip bérilghan térrorluq hujumida, deslepki melumatlargha asaslanghanda, 6 puqra qaza qilip, 7 puqra yarilanghan.
türkiye awazi radiyosi xewiri: tél abyad türkiye armiyesi we süriye milliy armiyesi teripidin élip bérilghan «tinchliq buliqi herikiti» netijiside térorchilardin tazilanghan bolup, bügün (2020-yili 8-iyul) nahiye merkizide partlash yüz berdi.
aptomobil bomba partilishi netijiside, 3 kichik balinimu qoshqanda jemiy 6 neper puqra qaza qildi we 7 puqra yarilandi.
ehwali éghir töt yaridar türkiyege yollandi.
partlash sewebidin etraptiki xizmet orunlirimu ziyangha uchridi.
neq meydanda tekshürüsh élip barghan yerlik bixeterlik qisimliri, bu heriketning bölgünchi térrorluq teshkilati YPG / PKK teripidin qilinghanliqini tekitlidi.
yerlik saqchi qisimliri rayonni bixeterlik chembirikige aldi. kelgen istixbaratqa binaen ikkinchi aptomobil bombini izdimekte.
süriyening shimalidiki tél abyad nahiye merkizi 2019 - yili 13 - öktebirde «tinchliq buliqi» herikiti arqiliq térrorchilardin tazilanghan idi.
