engliye jemal qashiqchining öltürülüshide roli bolghan 20 kishini émbargo tizimlikige kirgüzdi

türkiye awazi radiyosi xewiri:  engliye seudi erebistanliq zhurnalist jemal qashiqchining öltürülüshide roli bolghan eyni waqittiki seudi erebistan istixbarat idarisining muawin bashliqi ehmed asiri we text warisi muhemmed bin selmanning meslihetchisi abdullah el kehtani qatarliq 20 kishini émbargo tizimlikige kirgüzdi.

engliye tashqi ishlar ministirliqining bayanatida, amérikadiki kishilik hoquqqa dexli-teruz qilghanlargha jaza yürgüzüshni pilanlighan «magnitskiy qanuni» gha oxshash bir qanun arqiliq kishilik hoquqni éghir derijide depsende qilghanlargha zerbe bérilidighanliqi uqturuldi.

bu belgilime arqiliq engliyening munasiwetlik kishiler üchün engliyege kélishi, engliye bankiliri arqiliq ish béjirishi we engliye iqtisadidin pul tépishining cheklinidighanliqi uqturuldi.  

bayanatta, bu tedbirlerning döletlerdinmu bekrek shexslerni we organlarni nishan qilidighanliqi, englyening émbargo mesiliside yawropa ittipaqigha oxshimaydighan siyasetni tunji qétim yolgha qoyidighanliqi qeyt qilindi.

engliyening bu tunji émbargo tizimlikide 2009 - yili rusiyede 230 milyon dollarliq chiriklik arxipini tekshürgen rusiye baj mutexessisi sérgéy magnitskiyning ölümi sewebidin 25 neper rusiye puqrasi orun alghan bolup,  zhurnalist jemal qashiqchining öltürülishige chétishliq 20 neper  seudi erebistan puqrasimu tizimlikke kirgüzüldi.

jemal qashiqchi 2018 - yili 2 - öktebirde toy resmiyetlirini béjirish üchün seudi erebistanning istanbuldiki konsulxanisigha barghinida seudi erebistandin yollanghan bir guruppa teripidin konsulxanida öltürülgen we bu weqe pütün dunyagha ashkarilanghan idi.