zarif hem amérikani, hem b d t xewpsizlik kéngishini eyiblidi
zarif b d t xewpsizlik kéngishining qanuniy emes, belki bir siyasiy organgha aylinip qalghanliqini ilgiri sürdi.
türkiye awazi radiyosi xewiri: iran tashqi ishlar ministiri zarif b d t xewpsizlik kéngishining iran témiliq sinliq yighinidiki nutuqida, amérikani xelqara qanungha toxtimay xilapliq qildi, dep eyiblidi we b d t xewpsizlik kéngishining washington hökümitini eyiblesh üchün yighin achmighanliqini tenqid qildi.
zarif b d t xewpsizlik kéngishining köp tereplimilik siyasetlerning ornigha bir tereplime siyasetlerge ehmiyet béridighan bolsa, qanunning üstünlikidin arqigha dajighan bolidighanliqini tekitlep, «amérika 2231 - nomurluq qararni özgertish, eyibleshni delillesh we yalghan höjjetler bilen doklat teyyarlash üchün bash katibatliq ishxanisigha bésim ishletti» dégenlerni ilgiri sürdi.
zarif yawropa ittipaqi döletlirinimu yadro kélishimige emel qilmighan dep eyiblidi.
zarif b d t xewpsizlik kéngishini qanuniy emes, belki bir siyasiy organ bolup qilish bilen eyiblep, yene mundaq dédi:
«b d t xewpsizlik kéngishining barliq yéngi cheklimiliri irangha bergen asasiliq wedilerge zittur. bundaq ehwalda, biz yadro kélishimining tereplirige ilgiri bildürgenge oxshash iranning éniq tallashliri bolidu. buning netijisining jawabkarliqimu amérika we uning aldida tizlanghanlarning üstide bolidu »
zarif amérikini irangha salghan ziyanni toluq töleshke chaqirdi.
b d t xewpsizlik kéngishining 13 yildin buyan irangha qarshi yolgha qoyghan qoral émbargosi 2015 - yili imzalanghan yadro kélishimi dairiside öktebirde axirlishidu.
