amérikadiki teyyarliq saylamlirida baydin trampni arqida qaldurdi
amérika qoshma ishtatlirining nyu york, kéntaky we wirginiye ishtatlirida ötküzülgen démokratlar partiyesining teyyarliq saylamlirida sabiq muawin pirézidént jo baydin üstünlükni igilidi.
türkiye awazi radiyosi xewiri: teyyarliq saylimining birleshme xewer agéntliqi élan qilghan gheyriy resmiy netijilirige qarighanda, kéntakyda ghelibe qilghanliqini élan qilghan jo baydin, nyu york we wirginyedimu üstünlükni igiligen.
démokratlar partiyesi 17 – awghustta wiskonsin ishtatining milwauké shehiride pirézidént namzatlirini resmiy shekilde jamaetchilikke élan qilidu.
jumhuriyetchiler partiyesining nöwettiki pirézidént donald trampni namzat körsitidighan qurultiyi bolsa, 24 – 27 – awghust künliri chaqirilidu.
amérikada 2020 – yili 3 – noyabirda ötküzülidighan saylamda ghelibe qilghan kishi, 2021 – yili 20 – yanwarda aqsarayda pirézidént mensipini öteshni bashlaydu.
yene bir tereptin donald tramp elrayi netijiliride démokratchi reqibi jo baydinning 14 point arqisida qaldi.
nyu york taymiz we siéna institutining elrayi tekshürüshlirige qarighanda, démokratchilar partiyesining birdinbir namzati jo baydinni qollash nisbiti %50 din éship ketken bolsa, donald tramp %36 lik awaz bilen reqibining %14 arqisida qalghan.
baydinni asasliqi ayallar, qara tenlikler we ispanyollarning qollaydighanliqi, donald trampning bolsa, wuxen wirusi (kowid – 19) gha qarshi küresh we irqchiliqqa qarshi namayishlargha tutqan pozitsiyesi sewebidin bélet tashlighuchilarning qollishidin ayrilip qalghanliqi ilgiri sürülmekte.
elrayini tekshürüsh jeryanida, 45 yashtin töwen aqtenlik bélet tashlighuchilarning %52 i jo baydinni, %30 i donald trampni qollaydighanliqini bildürgenliki qeyt qilindi.
