natoda yéngidin otturigha chiqqusi «wuxen wirusi» basquchigha teyyarliq xizmiti ishlenmekte
shimaliy atlantik ehdi teshkilatigha eza döletler qaytidin otturigha chiqqusi «wuxen wirusi» basquchida yéngiche xizmetleshni ishlesh pilani heqqide birdeklik hasil qildi.
türkiye awazi radiyosi xewiri: shimaliy atlantik ehdi teshkilati bash katipi stolténbérg, nato tashqi ishlar ministirlirining uda ikki kün dawamlashqan téléwiziye - téléfon yighinidin kéyin élan qilghan bayanatida mundaq dédi: «shimaliy atlantik ehdi teshkilati qaytidin otturigha chiqqusi <wuxen wirusi> basquchigha qarita teyyarliq xizmetlirini ishlimekte. bu dairide, nato dölet mudapie ministirliri yéngi basquchta yéngiche xizmetlerni ishlesh pilani, dawalash üskünilirini zapas saqlash we zörür dawalash üsküniliri bilen téz teminlesh mesiliside birdeklik hasil qildi. sehiye organlirining mesulliri qaytidin otturigha chiqqusi <wuxen wirusi> dolqunigha qarita agahlandurushlarda bolmaqta. derweqe, saghlamliq kirizisining bixeterlik kirizisige aylinip kétishining aldi élinishi kérek.»
