türkiyege haqaret qilghan liwanliq ermen riyasetchi üstidin sotqa erz sunuldi

türkiye awazi radiyosi xewiri: liwanliq adwokat muhemmed ziyad jeafil, «der xarutian, bir mehelliy téléwiziye qanilidiki pirogrammisida qérindash türkiyege haqaret qilish arqiliq liwanning milliy birlikige qarshi mezhep xaraktérlik ighwagerlik tarqitishqa urundi» dédi.

mezkur qutratquchi sözliri yüzisidin der xarutian üstidin sotqa erz sunghanliqini bildürgen jeafil, teptish mehkimisige sunghan erznamesining bir nusxisini féysbuk adrésida ortaqlashti.

liwanliq adwokat tariq shendeb ermen riyasetchige naraziliq bildürüp, «neshan dér xarotiyan isimlik ​​bir riyasetchi musulmanlarning tarixigha til uzitish bilen birge, bir dost dölet bilen munasiwetlerge til uzitip, liwanda mezhep ighwagerchiliki qilmaqta» dédi.

shendeb,  edliye organlirining bu riyasetchi we uning méhmanliri üstidin tekshürüsh élip bérishini kütüwatqanliqlirini qeyt qildi.

ermen millitidin bolghan liwanliq riyasetchi der xarutian aldinqi küni kechte neq meydandin biwasite tarqitilghan pirogrammisigha chiqarghan ereb birliki partiyesi lidiri we sabiq muhit asrash ishliri ministiri wiam wehhab bilen osmanli impériyesi (1299 – 1923) we jumhur reis rejep tayyip erdoghangha qarshi haqaret qilghanidi.

ijtimaiy taratqularda der xarutian bilen pirogramma méhmini wehhabqa qarshi naraziliqlar dawam qilmaqta.