голландийәдә ирқчилиқ вә кәмситишкә қарши намайиш өткүзүлди

түркийә авази радийоси хәвири: голландийәдә охшимиған дин вә ирқларға мәнсуп миңларчә киши пайтәхт амстердамдики нелсон мандила бағчисиға йиғилип , ирқчилиққа вә кәмситишкә қарши намайиш өткүзди.

намайишчилар «қара тәнликләрниң һайати қиммәтликтур» , «ақ тәнликләрниң сүкүт қилиши зулумдур» , «мән нәпәс алалмайватимән» , «адаләт болмиса тинчлиқ болмайду» вә «сақчиларниң зораванлиқиға қарши туримиз» , «ирқчилиқни тохтитиңлар» , «ислам дүшмәнликини тохтитиңлар» , «һәммә адәм баравәрдур» вә «ирқчилиқ бир идийә әмәс» дегән хәтләр йезилған пилакатларни көтүрүшкән һалда «ирқчилиққа қарши тур» , «қара тәнликләрниң һайати қиммәтлик» дәп шоарларни товлиди.

көп санда голландийәликләр билән биргә о охшимиған милләтләрдин паалийәтчиләр иштирак қилған намайишта, «ирқчилиқ , кәмситиш вә ислам дүшмәнликиниң қобул қилинмайдиғанлиқиниң сигнали» берилди.

дунйада ирқчилиқниң һазирму давамлишиватқанлиқиға ишарәт қилинған нутуқларда , голландийә сақчилириниң суринамларни , африқалиқларни вә мусулманларни кәмситидиғанлиқи әскәртип өтүлди.

мусулман аз санлиқларға вакалитән сөзләнгән нутуқта, пүткүл инсанийәтниң адәм әләйһиссаламдин кәлгәнлики , һәммә адәмниң баравәр икәнлики тәкитләнди.

намайишта , вухән вируси (ковид – 19) сәвәбидин иҗтимаий арилиқни сақлаш түзүмигә риайә қилинди.

алдинқи һәптә өткүзүлгән намайиш иҗтимаий арилиқни сақлаш бәлгилимисигә риайә қилинмиғанлиқи үчүн әйибләшләргә учриғаниди.

аз санда сақчи вәзипә өтигән намайиш тинч усулда айағлашти.