америкадики ирқчилиққа қарши намайиш әнглийәдиму өткүзүлди

түркийә авази радийоси хәвири: әнглийәниң пайтәхти лондонда миңлиған намайишчилар американиң миннесота иштатида назарәткә елиш җәрйанида сақчи зораванлиқи нәтиҗисидә қаза қилған җорҗ флойид үчүн намайиш өткүзди.

намайишчилар чүштә трафалгар мәйданиға йиғилип, «адаләт болмиса тинчлиқ болмайду», «тизиңни бойнимиздин тарт» дәп шоарларни товлиди һәмдә америка вә әнглийә  һөкүмитигә қарши лозункиларни ачти.

намайишчилар кейин лондонниң ваксһал районидики америка әлчиханисиға қарап йүрүш қилди.

әнгилийә сақчилири әлчихана алдида қаттиқ бихәтәрлик тәдбирлирини алди. сақчилар билән намайишчилар арисида бәзи ағзаки вә җисманий тоқунушлар йүз бәрди. 11 намайишчи қолға елинди.

сақчиларниң чекиниши билән җиддийлик төвәнлиди. андин намайишчилар баш министирлиқ мәһкимиси «10-номур» луқ ишханиси җайлашқан довниң кочисиға қарап йүрүш қилди вә намайишлирини шу йәрдә давамлаштурди.