xongkong hökümiti amérikagha naraziliq bildürdi

türkiye awazi radiyosi xewiri: shinxua agéntliqi xongkong alahide memuriy rayonluq hökümining amérikagha naraziliq bildürgenliki toghrisida xewer élan qildi.

shinxua agéntliqining xewirige asaslanghanda, xongkong alahide memuriy rayonluq hökümetning bayanatchisi, amérika hökümitining «xongkongning qanuniy heq-hoquqlirini sheytanlashturup, qara sürkeshni dawamlashturuwatqanliqidin chongqur qayghuruwatqanliqilirini» bildürgen.

bayanatta: «xongkong xitayning waz kechmeydighan bir parchisi hésablinidu. xitayning öz rayonini bölgünchilerdin, térrorluqtin we hökümetke qarshi heriketlerdin qoghdash hoquqining yoqluqi heqqidiki her qandaq teklip, estayidil bolmighanliq, qosh ölchemni we ikki yüzlimichilikni teshebbus qilghanliq bolup hésablinidu» déyildi.

bayanatta yene mundaq déyildi:

«dölet bixeterlik qanunining xongkongni muqimliqqa ige qilishni meqset qilidu. xongkong xelqining erkinliklirige palta chapidighan tenqidler sepsetelerdin bashqa nerse emes. amérikani öz ichige alghan her qandaq hökümetning dölet bixeterlikini qoghdaydighan qanuniy belgilimiliri bar.»

amérika pirézidénti donald tramp xitayni «xelq qurultiyi yighinida qobul qilinghan dölet bixeterlik qanuni bilen, xongkongning 1984-yili imzalanghan ‹engliye-xitay ortaq xitabnamesi› de qolgha keltürgen alahide memuriy rayonluq heq-hoquq we erkinliklirige ziyan sélishqa urunuwatidu» dep eyibligen idi.

pirézidént tramp: «xitayning yéqinda basqan qedemliri körsitip bériduki, xongkong emdi yéterlik derijidiki aptonomiyelik rayon emes. xitay ‹bir dölet, ikki xil tüzüm› siyasitini ‹bir dölet, bir xil tüzüm› ge özgertti. bu sewebtin, amérika hökümitige xongkonggha bérilgen alahide siyasiy imtiyazlarni emeldin qaldurush permani chüshürimen» dégenidi.