америкадики ирқчилиққа қарши намайиш германийәгичә кеңәйди

түркийә авази радийоси хәвири: иҗтимаий таратқуларда елан қилинған чақириқларға бинаән нәччә миңлиған киши берлинда турушлуқ америка әлчиханиси алдида йиғилип, сақчиларниң зораванлиқиға вә ирқчилиқиқа қарши наразилиқ намайиши өткүзди.

намайишчилар «ақ тәнликләрниң сүкүт қилиши зораванлиқтур», «җорҗ флойидқа адаләт», «адаләт болмай туруп тинчлиқ болмайду», «қара тәнликләрниңму һайати муһим» вә «сүкүт қилиш сениму җинайәт шерикигә айландуриду» қатарлиқ лозинкилар билән биргә җорҗ флойидниң  сүрәтлирини көтүрүп наразилиқлирини билдүрди.

нутуқларда җорҗ флойид дуч кәлгән зораванлиқиниң йәккә һадисә әмәслики вә бу қилмишниң әслидә, муз тағниң көрүнгән йүзи икәнлики тәкитләнди.

германийәдиму нурғун кишиниң ирқчилиқ зораванлиқи сәвәбидин һайатидин айрилғанлиқи әскәртилгән нутуқта, (өктәбирдә) халле ибадәтханисида вә (март ейида) ханав шәһиридә йүз бәргән ирқчилиқ һуҗумлири (4 нәпәр түркийә пуқрасини қошқанда,  9 киши қаза қилған) әсләп өтүлди.

сақчилар намайиш җәрйанида әлчихана алдида кәң – көләмлик бихәтәрлик тәдбирлирини йолға қойди.

америкида 46 йашлиқ җорҗ флойидниң сәйшәнбә күни миннеполис иштатида алдамчилиқ җинайәтчиси дегән гуман билән сақчилар тәрипидин назарәткә елиниватқанда, бир сақчиниң узунғичә униң бойнини тизи билән бесиши сәвәбидин «нәпәс алалмайватимән» дәп йалвурғанлиқи, балнестқа елинғандин кейин қутқузуш үнүм бәрмәй һайатидин айрилғанлиқи хәвәр қилинған вә әтрапидики кишиләрниң йанфонлири арқилин тартқан көрүнүшлири иҗтимаий таратқуларда зор инкасларни пәйда қилған иди.