gérmaniyediki üch jamege islamgha haqaret mektupliri yollandi
gérmaniyening miyunxén we duisburg sheherliridiki diyanet ishliri türk – islam birlikige qarashliq 3 jamege üstige choshqa resimi chüshürülgen konwértlar bilen haqaret mektupliri yollandi.
türkiye awazi radiyosi xewiri: roza héytning birinchi küni miyunxén diyanet ishliri türk – islam birliki merkiziy jamesige, ikkinchi küni duisburgdiki muradiye jamesige, üchinchi küni bolsa, yene duisburgdiki merkiziy jamege pochta arqiliq islam dini we qimmet – qarashlirigha qarita éghir haqaretler qilinghan mektuplar yollandi.
miyunxén shehiridin pochta arqiliq ewetilgen oxshash mezmundiki haqaret mektuplirining yollighuchi adréslirining natoghra bolush éhtimalliqi barliqi texmin qilinmaqta.
jame jemiyetlirining bashliqliri yusuf aydin we ramazan jeylan, mektuplarni mehelliy hökümetlerning rehberliri bilen ortaqlashqanliqlirini, jawabkarlarning waqtida qolgha chüshürülüp qanunning bir terep qilishigha tapshurulushini telep qilidighanliqlirini bildürüshti.
