iran déngiz armiye manéwirida xata halda öz paraxotini pachaqlap tashlidi
iranda tünügün ötküzülgen déngiz armiye manéwirida weqe yüz bérip, 19 kishining jénidin ayrilghanliqi we 15 kishi yaridar bolghanliqi bildürüldi.
türkiye awazi radiyosi xewiri: iran resmiy xewer agéntliqi «IRNA» ning xewer qilishiche, iran déngiz armiye qomandanliq ishtabi xelq ishliri ishxanisi tünügün basra qoltuqida ötküzülgen déngiz armiye manéwiri jeryanida, «Koranek» urush paraxotining yardemchi etritide yüz bergen hadiside, 19kishi jénidin ayrilip, 15 kishi yaridar bolghan.
bayanatta «Koranek» urush paraxoti piristangha tartip chiqirilghanliqi bildürülgenliki, lékin weqening tepsilati heqqide héchqandaq melumat bérilmigenliki uqturuldi.
iran taratquliri iran déngiz armiyesining basra qoltuqidiki manéwiri jeryanida, döletke tewe bir urush paraxotining éhtiyatsizliqtin pachaqlanghanliqi we onlighan kishining jénidin ayrilghanliqi élan qilinghan idi.
iran armiyesi teripidin bügün etigende élan qilinghan bayanatta bolsa, bu weqening «Koranek» urush paraxotining yardemchi etriti keltürüp chiqarghan hadise ikenliki we bir kishining jénidin ayrilghanliqi uqturuldi.
