yuqum nyu yorkta 11 - séntebir weqesidikidinmu köp ademning jénigha zamin boldi

türkiye awazi radiyosi xewiri: nyu york waliysi andréw kumo, kowid – 19 sewebidin qaza qilghanlar sanining bir künde 779 adem köpiyip 6268 ge yetkenlikini bildürgendin kéyin, 11 – séntebir térrorluq hujumida 2753 ademning ölgenlikini xatirilitip ötti.

2001 – yili 11 – séntebirde amérika ichide qatnaydighan 4 yoluchilar ayropilani elqaide ezasi térrorchilar teripidin görüge élip qéchilghan؛ ikki ayropilan nyu yorktiki dunya soda merkizining shimaliy we jenubiy munarlirigha soqulup, 110 qewetlik ikki munar gümürülüp chüshkenidi.

üchinchi ayropilan wirjéniye ishtatidiki dölet mudapie ministirliqi – péntagongha soqulup, binaning gherbiy teripining bir qismi gümürülüp chüshkenidi.

tötinchi ayropilan bolsa, paytext washingtonni zerbe obyékti qilghan bolsimu, yoluchilarning térrorchilargha mudaxile qilishi netijiside pénsilwaniyede chüshüp ketkenidi.