wuxende karantin tedbirliri emeldin qalduruldi

türkiye awazi radiyosi xewiri: wuxen wirusi 2019-yili dékabir éyida peyda bolghan xitayning wuxen shehiride karantin emeldin qalduruldi.sheherde 76 kün karantin tedbirliri yürgüzüldi. xitay dairiliri 11 milyon nopusluq wuxende yashaydighanlarning sheherdin ruxset almastin chiqalalydighanliqini élan qildi.

yaponiye bash weziri shinzu abi hökümetning wuxen wirusining aldini élish tedbirlirige xelq boysunsa, jiddiy haletni bir ay ichide emeldin qalduridighanliqlirini élan qildi.

yaponiyede wuxen wirusi sewebidin 109 kishi jénidin ayrildi. yéqinqi 24 saette yuqumlanghanlar 5 ming 500 ge yéqinlashti.

yaponiyede tünügün (2020-yili 7-aprél) élan qilinghan we paytext tokyo, kanagawa, saitama, chiba, osaka, hyogo we fukuwkani öz ichige alghan jiddiy haletni 2020-yili 6-may axirlashturush pilan qilinmaqta.

200 kishi jénidin ayrilghan, 10 ming 384 kishi yuqumlanghan jenubiy koréyede, wuxen wirusi sewebidin koréyeliklerning kirishi cheklengen döletler bilen «wizisiz kirish» we «wizini emeldin qaldurush» pirogrammiliri waqitliq toxtitilidu. bu belgilime, awstiraliye we kanadagha oxshash wizisiz kirish yolgha qoyulghan 34 dölet؛ firansiye, rusiye, tayland qatarliq wizini emeldin qaldurush pirogrammisi yolgha qoyulghan 54 dölet üchün küchke ige bolidu.

iranda jénidin ayrilghanlar 4 ming 3 ke chiqti.

rusiyede yéqinqi 24 saette 1175 kishi yuqumlandi we bu, bir künde eng köp yuqumlinish körülgen kün bolup qaldi.

ukrainada istixbarat idarisida xizmet qilidighan üch xadimda wuxen wirusi bayqaldi. bu dölette wirus sewebidin jénidin ayrilghanlar 52 ge, yuqumlanghanlar 668 ge chiqti.

isirailiyede wuxen wirusi sewebidin jénidin ayrilghanlar 71 ge, yuqumlanghanlar 9 ming 404 ke yetti.

41 kishi jénidin ayrilghan, 2 ming 795 kishi yuqumlanghan seudi erebistanda, sehiye ministiri tewpiq errabiya kéyinki heptilerde wuxen wirusigha munasiwetlik weqelerning , eng az dégende 10 ming, eng köp bolghanda 200 ming arisida bolidighanliqini perez qiliwatqanliqlirini éytti.

yemen hökümiti wuxen wirusigha qarshi turush tedbirliri dairiside, seudi erebistan chégrasidiki el wédiya chégra éghizini taqashni qarar qildi. uzundin buyan siyasiy muqimsizliq we qoralliq toqunushlar höküm sürüwatqan bu dölette, hazirghiche wuxen wirusi bilen yuqumlanghanlar bayqalmidi.  

tunista hazirghiche wuxen wirusi sewebidin 22 kishi jénidin ayrildi, yuqumlanghanlar 596 ge chiqti.

tunis ichki ishlar ministiri hisham el meshishi wuxen wirusigha qarshi turush tedbirliri ramkisida bashlanghan karantin tedbirlirige xilapliq qilghanlarning «perwasizliq bilen adem yarilandurush, hetta perwasizliq bilen adem öltürüsh» jinayetliri bilen eyiblinidighanliqini bildürdi.

sénégalda hazirghiche ikki kishi wuxen wirusi sewebidin jénidin ayrildi, 237 kishi yuqumlandi we 105 wuxen wirusi bémari yaxshilandi.

togoda wuxen wirusi sewbidin üch kishi jénidin ayrildi, 65 kishi yuqumlandi. bularning arisida üch yashliq ikki bowaq bar.

hazirghiche wuxen wirusigha munasiwetlik sekkiz weqe körülgen we wuxen wirusi gumandarlirining tekshürüsh netijisini chet elge ewetiwatqan somali, axiri özining diyagnoz tejribixanisini qurdi.

ikki kishi jénidin ayrilghan, 52 kishi yuqumlanghan éfiyopiyede, wuxen wirusigha qarshi turush dairiside jiddiy halet élan qilindi.

hindonéziyede 240 kishi wuxen wirusi sewebidin jénidin ayrildi, yuqumlanghanlar 2 ming 956 ge chiqti.

hindonéziyede ikki heptigiche mektepler, köngül échish makanliri, sayahet orunliri, ibadetxanilar we shirketler taqilidu. ammiwi qatnashqa cheklimiler qoyulidu. sehiye, yémek-ichmek, pul-muamile we énérgiye qatarliq sekkiz oxshimighan saheler cheklimilerdin xaliy bolidighanliqi bildürüldi.

paytext jakartada beshtin artuq kishining uchrishishi cheklendi.