wuxen wirusidin yuqumlanghan bir ayalning bowiqining saghlam tughulghanliqi bildürüldi
bu qétim jenubiy qibris rim teripidin xush xewer keldi... jenubiy qibris rim teripide wuxen wirusi (yéngi tiptiki tajsiman wirusluq öpke yallughi yuqumi – kowid – 19) din yuqumlanghan bir hamildar ayal saghlam bir oghul tughdi.
türkiye awazi radiyosi xewiri: jenubiy qibris rim taratqulirining xewer qilishiche, kowid – 19 yuqumi bayqalghan bir hamildar ayal 31 martta tughqan؛ doxturlar 3 yérim kilogiram éghirliqtiki oghul bowaqning salametlik yaxshi ikenlikini, tekshürüshler netijiside bowaqning yuqumlanmighanliqini uqturghan.
doxturxana mesulliri, nuqtiliq halda közitiliwatqan bowaqning bir hepte ichide qaytidin tekshürülüp, yuqum alamiti körülmise balnisttin chiqirilidighanliqini bildürdi.
dairiler, anisining kowid - 19 din yuqumlanghan bolushigha qarimay, héchqandaq yuqum késellik alamiti körülmigen bowaqning siniqining menpiy chiqqanliqini, 3 – aprél (bügün) da yene bir qétim tekshürülidighanliqini tekitlidi.
doxturlar, eger ikkinchi qétimliq sinaqtimu yuqum alamiti körülmise, anining bowaqning bilen uchrishishigha ruxset qilinidighanliqini eskertti.
