iranda «haraq wuxen wirusi din qoghdaydu» dégen mish mish sözler 320 kishining jénigha zamin boldi
iranda «haraq wuxen wirusi (yéngi tiptiki tajisiman wirus kowid-19) din qoghdaydu» dégenge ishinip, saxta haraqtin zeherlinip ölgenlerning sani 320 ge yetti.
türkiye awazi radiyosi xewiri: iran yérim resmiy «fars agéntliqi» ning xewirige asaslanghanda, iran sehiye ministirliqi bayanatchisi kiyanush jihanpur sin yighini arqiliq axbarat élan qilghan we 6 - marttin béri 3 ming 117 kishining saxta haraqtin zeherlinip doxturxanigha kelgenlikini éytqan.
kiyanush jihanpur saxta haraqtin zeherlengen 666 kishining doxturxanilarda balnistqa élinghanliqini we ularning 73 nepirining éghir késellikler bölümide dawaliniwatqanliqini bildürdi.
kiyanush jihanpur saxta haraq sewebidin bügünge qeder 320 kishining hayatidin ayrilghanliqini we 62 kishining közidin ayrilghanliqini élan qildi.
iranda saxta haraq ishlepchiqiridighan nurghun kishi qolgha élindi. tutqun qilish herikitide yüzminglighan litir ispirt qolgha chüshürüldi.
