gollandiyede doxturlargha «ayet» yézilghan pilakat bilen minnetdarliq bildürüldi
gollandiyede, quran kerimdin bir ayet yézilghan pilakat arqiliq wuxen wirusi (yéngi tiptiki tajsiman wirusluq öpke yallughi yuqumi – kowid – 19) gha qarshi küresh qiliwatqan sehiye xadimlirigha minnetdarliq bildürüldi.
1388971
türkiye awazi radiyosi xewiri: milliy görüsh teshkilatlirigha qarashliq amérsfort rahman meschitining bashqurghuchiliri, kowid – 19 yuqumigha qarshi japaliq xizmet qiliwatqan sehiye xizmetchilirige rehmet éytish üchün bir pilakat teyyarlidi.
méandér doxturxanisining udulidiki aptobus békitige ésilghan ingliz we gollandiye tilliridiki pilakatqa «kimki bir janni qutquzup qalsa, u pütkül insanlarni qutquzup qalghan bolidu» dégen ayet yézildi.
pilakatta yene, «sehiye xadimlirigha rehmet» dégen ibare yézildi.
rahman meschitining reisi ramazan yildiz, pilakatqa logo we isim yazmighanliqlirigha isharet qilip, «meqsitimiz bizning emes, belki allahning ayetlirining aldinqi pilandin orun élishidur. biz buni peqet allahning raziliqi üchün qilduq» dédi.
