iranda saxta haraq échip ölgenlerning sani 180 ge yetti
iranda saxta haraq échip ölgenlerning sani 6 – marttin buyan 180 ge yetti.
türkiye awazi radiyosi xewiri: iran jiddiy ehwallargha taqabil turush qomandanliq merkizi fars shöbisining mesuli muhemmed jewad muradiyan, iranliq oqughuchilar xewer agéntliqi (ISNA) ning ziyaritini qobul qilghanda bergen bayanatida, 6 - marttin buyan 427 kishining saxta haraq ichkendin kéyin zeherlinip doxturxanilargha murajiet qilghanliqini, bulardin 65 ining ölüp ketkenlikini, 14 ining jiddiy qutquzush bölümide dawaliniwatqanliqini tekitlep mundaq dédi: «tolimu epsuski, ammiwi taratqulardiki <haraq arqiliq wirusqa taqabil turghili bolidiken> dégendek yalghan – yawidaqlar mana mushundaq éghir aqiwetlerni keltürüp chiqarmaqta.»
yene bir tereptin, fars ölkiside dölet xewpsizlik organlirining yéqinqi birqanche kün ichide élip barghan tekshürüshliri dawamida, 50 ming létir haraqning qolgha chüshürülgenliki, ishlepchiqarghuchisi we tarqatquchisi ikenliki éniqlap chiqilghan köp sanda kishining qolgha élinghanliqi bildürüldi.
fars ölkiside qaza qilghanlar sanining éshishi bilen birlikte, iran miqyasida saxta haraq ichip hayatidin ayrilghanlarning sani 180 ge yetti.
doxturxanilarda yétiwatqanlardin hazirghiche huzistan ölkiside 51, erdebil ölkiside 19, elburz ölkiside 15, mazenderan ölkiside 12, isfahan ölkiside 7, kürdistan ölkiside 6, hemedan ölkiside 4, hürmürgan ölkiside 1 kishining saxta haraq ichgendin kéyin zeherlinip ölgenliki jakarlanghanidi.
