amérika: bokoharamning bashliqining ornini melum qilghuchilargha zor miqdar söyünche bérimiz
amérika, nigériye we qoshna döletlerde qanliq weqelerni peyda qilip kéliwatqan bokoharam térorluq teshkilatining rehbiri ebubeker shekawning ornini melum qilghuchilargha 7 milyon dollar mukapat béridighanliqini uqturdi.
türkiye awazi radiyosi xewiri: amérika edliye ministirliqi twittérda tarqatqan uqturushida, «amérika tashqi ishlar ministirliqi bokoharam rehbiri térorchi ebubeker shekawning qolgha chüshürülüshige paydiliq uchurlar bilen teminligüchilerge 7 milyon dollar mukapat béridu» dégen ibarilerge orun bérildi.
uqturushta, mukapat pulining tashqi ishlar ministirliqi teripidin bérilidighanliqi bildürüldi, shundaqla ministirliqning watsap nomuri we télégramma uchurlirimu ortaqlishildi.
teshkilatning qurghuchisi muhemmed yüsüp 2010 - yili öltürülgendin kéyin , shekaw rehberlik hoquqini ötküzüwalghanidi.
ebubekir shekaw ammiwi we herbiy orunlargha qilinghan hujumlarning shundaqla 2014 – yili borno ölkisidiki chilbok qizlirini görüge élip qéchish weqesiningmu jawabkari dep qaralmaqta.
2000 – yilining bashlirida otturigha chiqqan térrorluq teshkilati boko haramning 2009 - yildin boyanqi keng kölemlik zorawanliq heriketliride 20 mingdin artuq adem jénidin ayrildi.
bu teshkilat 2015 - yildin bashlap nigériyege qoshna kaméron , chad we nigér qatarliq döletlerdimu weqe peyda qildi. bu teshkilatning chad köli oymanliqidiki hujumida kem dégende 2 ming adem qaza qildi.