jenubiy qutuptin bashqa hemme jay wuxen wirusning tehditi astida

türkiye awazi radiyosi xewiri: shimaliy makédoniye sehiye ministiri wénko filipché wuxen wirusi bilen yuqumlanghan ayalning astigha élinghanliqini, chöchüp kétishke kérek yoqluqini we mezkur ayalning bir aydin buyan italiyede turghanliqini qeyt qildi.

daniye bilen éstoniyedimu wuxen wirusigha munasiwetlik weqeler körüldi.

wuxen wirusi bilen yuqumlanghan daniyelikning italiyege qar tiyélish üchün bérip qaytqanda, salametlikining nacharlashqanliqining bilingenliki eskertildi.

firansiyede yéngidin wuxen wirusi bilen yuqumlanghan bir kishining bayqilishi bilen, bu san 18 ge chiqti. bu bémarlarning 11 ide yaxshilinish körüldi, ikkisi jénidin ayrildi.

shiwétsiye xelq saqliqni saqlash idarisi yazma bayanat élan qilip, italiyening shimalidin qaytqan 30 yashliq bir ayalda wuxen wirusining bayqalghanliqini, buning bilen shiwétsiyede wirus bilen yuqumlanghanlarning ikkige chiqqanliqini bildürdi.

finlandiye paytexti xélsinkidimu italiyedin qaytqan bir ayalda wuxen wirusining bayqalghanliqi we wirus bilen yuqumlanghanlar sanining ikkige chiqqanliqi qeyt qilindi.

italiyede wuxen wirusi bilen jénidin ayrilghanlarning sani 12 ge, yuqumlanghanlar sani 400 din ashti.

italiye lombardiya (Lombardiya) rayonluq hökümetning bashliqi attiliyo fontana (AttilioFontana) yéqin xizmetdashlirida wuxen wirusi bayqalghanliqi sewebidin özini ikki heptilik karantin astigha alghanliqini élan qildi.

amérika tashqi ishlar ministirliqi kishilerni wuxen wirusi bayqalghan italiyeni sayahet qilghanda diqqet qilishi toghrisida agahlandurdi.

ministirliqning bayanatida, italiyening sayahet qilghanda «diqqet qilishqa tégishlik» jaylar katégoriyesige kirgüzülgenliki qeyt qilindi.

amérika tashqi ishlar ministirliqining mongghuliyege munasiwetlik bayanatida bolsa, wuxen wirusining mongghuliyegimu tarqalghanliqi eskertildi we «sayahitingiz üstide oylining» dep chaqiriq qilindi.

amérika tashqi ishlar ministirliqi yene, wuxen wirusigha munasiwetlik weqeler körülgen jenubiy koréyedimu sayahet qilghanda diqqet qilish toghrisida agahlandurdi. bayanatta, jenubiy koréyege barmaqchi bolghanlar, wuxen wirusi sewebidin «sayahitingizni qayta oylishing» dep agahlanduruldi.

engliye taratqulirida tarqalghan we hökümetning bir doklati neqil körsitilgen xewerlerde bildürülishiche, wuxen wirusi birleshme padishahliqta yérim milyon kishining ölümige seweb bolushi mumkin iken.

«wuxen wirusigha uyghun eng nachar sénariye» (Covid-19 Reasonable Worst Case Scenario) namliq doklatta, wirus tarqilishchan waba késilige aylinip ketken ehwalda engliyede %80 kishige yuqidighanliqi we yérim milyon jangha zamin bolidighanliqi qeyt qilindi.