italiyede bir doxtur wuxen wirusi bilen yuqumlanghan
italiyede wuxen wirusi (Kovid-19) sewebidin jénidin ayrilghanlar sanining yettige chiqqanliqi élan qilindi.
türkiye awazi radiyosi xewiri: italiye ansa (ANSA) agéntliqining xewiride bildürülishiche, italiye miqyasida wuxen wirusi sewebidin jénidin ayrilghanlarning sani yettige chiqqan. lombardiya (Lombardiya) rayonida 62 yashliq bir kishi jénidin ayrilghan bolup, bu tünügün (24-féwral) wirus sewebidin jénidin ayrilghanlarning axirqisi bolghan. lombardiya rayonida wirus sewebidin jénidin ayrilghanlar sani alte, wénéto (Veneto) rayonida bir bolup, jemiy yette kishi jénidin ayrilghan. dölet miqyasida wirus bilen yuqumlanghanlar sani 229 gha yetken.
italiye bash ministiri juzuppé konté (Giuseppe Conte) wuxen wirusi heqqide bayanat élan qilip: «héchqandaq nersini bosh chaghlimiduq, eksiche bolghanda bundaq tedbirlerni yolgha qoymighan bolattuq. wirusning tarqilishini texmin qilalmaymiz» dédi.
u xéli burunla wirus tarqalghan shimaldiki rayondiki bir doxturxanining wirusqa qarshi tewsiye qilghan tedbirlerge boysunmighanliqi sewebidin, wirusning tarqilishigha seweb bolghanliqini chüshendürdi.
lombardiya rayonidin ispaniyening kanarya arallirigha sayahetke kelgen italiyelik bir doxturning wirus bilen yuqumlanghanliqi bayqaldi.
kanarya aralliri aptonom rayonluq hökümet mesulliri italiyelik doxturning wirus sewebidin doxturxanida karantin qilinghanliqini, uning bilen uchrashqan bolush éhtimali bolghan kishilerning tekshürülüwatqanliqini élan qildi.
مۇناسىۋەتلىك خەۋەرلەر
