афғанистан алаһидә вәкили халилзад байанат елан қилди

түркийә авази радийоси хәвири: американиң афғанистан алаһидә вәкили залмай халилзад твиттерда талибан билән болған тинчлиқ мусаписи тоғрисида байанат қилди.

у: «афғанистанда тәхминән 40 йилдин буйан давамлишиватқан урушниң ахирлишиши вә муқимлиқни капаләткә игә қилиш үчүн наһайити йахши пурсәт йаритилди. бу пурсәттин йахши пайдилиниш лазим. талибан билән болған тинчлиқ мусаписиниң иҗабий ахирлишиши үчүн бирликтә тиришиш лазим» деди.

у талибан билән афғанистан һөкүмити оттурисида тинчлиқ учришишлириниң башлиниши үчүн тәййарлиқларниң қилинғанлиқини әскәртип, мусапидин йаман нийәттә пайдиланмаслиқ керәкликини тәкитлиди.

пирезидент әшрәф ғени башчилиқидики һөкүмәт үчүн чоң тәһдит болуватқан талибан тәшкилати, афғанистанниң көплигән җайлириға һөкүмранлиқ қилмақта.

афғанистан һөкүмити талибан билән тинчлиқ учришишлирини башлаш үчүн бир қанчә қетим һәрикәт қилған вә бу рамкида тинчлиқ кеңишини қурған болсиму, бу дөләткә тинчлиқ елип келишкә йәтмиди.