mozambik musteqilliq herikitining milliy qehrimani santos alemdin ötti
portugaliye mustemlikisige qarshi küreshning mozambikliq qehrimani marsélino dos santos bu dunya bilen widalashti.
türkiye awazi radiyosi xewiri: pirézidént filipé nyusi, 2015 – yili milliy qehriman dep élan qilinghan santos üchün dölet murasimi ötküzülidighanliqini uqturdi.
minglarche mozambikliq ijtimaiy taratqular arqiliq qayghulirini ipadileshti, jenubiy afriqining hakimiyet béshidiki partiyesi – afriqa milliy qurultiyimu santus üchün teziye télégrammisi tarqatti.
salametliki nacharliship ketken santos, uzun yillardin buyan öyidin sirtqa chiqalmighanidi.
portugaliye mustemlikisige qarshi 1962 – yili qurulghan mozambik azadliq pirontining qurghuchi ezalirining biri bolghan, uzun yillar boyiche partiyesining muawin bashliqi bolup wezipe ötigen santos, hayatini dölitige béghishlighan bir lidér dep qarilidu.
musteqilliq kürishini dawamlashturuwatqan yillirida mozambik azadliq pirontining bashliqi édwardo mondlén bombiliq hujumgha uchrap ölgendin kéyin, partiyening bashliqliq wezipisini üstige alghan santos, shairliqi bilenmu nam chiqarghanidi.
u, yash chéghida oqush üchün barghan portugaliyening paytexti lizbon we firansiyening paytexti parizhda, mustemlikichilikke qarshi nahayiti köp teshkilatning qurghuchiliqi we bashliqliq wezipisini üstige alghanidi.
