yemende hudeyde shehiri «apet rayoni» élan qilindi
yemende husiylar döletning gherbidiki hudeyde shehirini tarqilishchan késellikler sewebidin «apet rayoni» élan qildi.
türkiye awazi radiyosi xewiri: iran qollawatqan husiylargha ait «<elmesire> xewerler tori» ning, husiylarning atalmish hökümitining sehiye ministiri taha elmutewekkil menbe körsitip xewer qilishiche, hudeyde shehiride 2019 – yili texminen bir milyon kishi bezgek bilen, bir milyondin artuq kishi xoléra bilen, 76 ming kishi bolsa déngé qizitmisi bilen yuqumlanghan.
xelqara jemiyetni jiddiy yardemge chaqirghan mutewekkilning éytishiche, tarqilishchan késellikni keltürüp chiqiriwatqan orunlarning taqilishi, exletlerning toplinishi, üsti yépiq jaylarni su bilen teminlesh qatarliq birqatar xizmetlerning ishlinishi zörür iken. shuning bilen bir waqitta, tarqilishchan késelliklerge qarshi birlikte küresh qilinishi we xelqning éngini östürüsh nahayiti zor ehmiyetke ige iken.
