yawropa ittipaqi kéngishining bashliqi putin bilen téléfonda körüshti
yawropa ittipaqi kéngishining bashliqi charlés michél rusiye pirézidénti wiladimir putin bilen téléfonda körüshti.
türkiye awazi radiyosi xewiri: yawropa ittipaqi kéngishi teripidin bu heqte élan qilinghan yazma bayanatta eskertilishiche, michél bilen putinning tunji qétimliq téléfon söhbitide, rayonluq xirislarni tughduruwatqan liwiye kirizisi we toqunushlarni toxtitishning ehmiyiti heqqide muzakire élip bérilghan.
michél yawropa ittipaqining birleshken döletler teshkilatining pilani we bérlin basquchini qollaydighanliqini eskertken, hemde yawropa ittipaqining ukraina mesilisige tutuwatqan pozitsiyesi heqqide putingha melumat bérish bilen bir waqitta, yawropa ittipaqining ukrainaning musteqilliqi, igilik hoquqi we zémin pütünlükige hörmet qilidighanliqini tekrarlighan.
téléfon söhbitide yene, ikki rehber, tereplerning urush toxtitish kélishimi hasil qilishi we siyasiy basquchning qaytidin bashlinishini ümid qilidighanliqlirini ipadileshken.
