her qaysi döletler irandin tölem töleshni telep qildi

türkiye awazi radiyosi xewiri: kanada, engliye, ukraina, shiwétsiye, gollandiye we afghanistan qatarliq döletlerning tashqi ishlar ministirliri engliye paytexti londonda körüshti.

ministirlar «hésab bérish, ochuq-ashkariliq we adaletni kapaletke ige qilish» ramkisida özara pikir birliki hasil qildi.

kanada tashqi ishlar ministiri franchoys filip (François-Philippe) kélishim tékstini oqudi. tékstte, irandin aldi bilen, munasiwetlik döletlerning mesullirigha toluq we izchil konsulxana xizmiti sunush telep qilindi.

jénidin ayrilghanlarning kimliklirini tekshürüp békitish ishlirining, muhimliq, ochuq-ashkariliq we xelqara ölchemlerge uyghun bolushtek pirinsiplar boyiche élip bérilishi؛ aililerning we yéqin yoruqlirining jesetlerni öz döletlirige élip kétish teleplirige hörmet qilinishi kérekliki telep qilindi.

puqralirini yoqitip qoyghan döletlergimu musteqil we ochuq-ashkara halda xelqaraliq tekshürüsh chaqiriq qilinghan kélishim tékstide, iranning barliq mesuliyetni üstige élishi we aililerge tölem tölishi, shundaqla qurbanlarning aililirige bolghan barliq mesuliyetlernimu qobul qilishi telep qilindi. buningdin bashqa, musteqil bolghan jinayi tekshürüsh arqiliq mesuliyiti barlarning jawabkarliqqa tartilishi we bu musapining kishilik hoquqqa uyghun, ochuq-ashkara, biterep bolushining ehmiyiti alahide tekitlendi.

2020-yili 8-yanwar etigende iran paytexti téhrandiki xelqara imam humeyni ayrodurumidin ukraina paytexti kiyéwge qarap uchqan yoluchilar ayropilani, kökke kötürülüp uzun ötmey chüshüp ketken bolup, ayropilandiki 176 kishining hemmisi jénidin ayrilghan idi.

iran armiye qomandanliq ishtabi ukraina hawa yollirining yoluchilar ayropilanining «sezgür herbiy nuqta» üstidin uchup kétiwatqanda «insaniy xataliq» tüpeylidin hawa qoghdinish sistémisi teripidin étip chüshürüwétilgenlikini bildürgen idi.